Textprobe aus "Was oan so einfallt..." Mei Patent Ich glaub, a jeder kennt des Gfühl, ma kann net immer wia ma wüll. Z'erst bist hundsmüad, dann gehst ins Bett Und kaum liegst drin, hast scho des Gfrett: Der Schlaf is weg, du bist hellwach. Mitn Einschlafn is's so a Sach! Natürlich gibt's dafür Tablettn, de helfn gwiß, drauf kann ma wettn, doh jeder hat an eignen Trick: so manchn hülft vielleicht d'Musik, a warmer Tee hat ah sein' Sinn, a Häferl Milch mit Honig drin, Spazierngehn, sagt ma, waar recht gsund, vielleicht alloan oder mitn Hund, so mancher trinkt a Glasl Wein, der andre schlaft beim Fernsehn ein. Ich hab mei eigenes Patent, des ganz bestimmt nuh koaner kennt. Des hab ich öfter scho probiert Und jedes Mal hat's funktioniert. Ich denk, wann ich net schlafn kann: "Jetzt fang ich glatt zum Bügln an!" Und wirklich wahr, des geht ganz fesch, denk ich nur an mei Büglwäsch, dann falln mar gleih de Augn zua und ich schlaf durch bis in der Fruah.